.jpg)
.png)
ເວົ້າເລື່ອງທວງໜີ້ ມັນຕ້ອງໃຊ້ຄຳດຽວຄື "ຈິດສຳນຶກຂອງລູກໜີ້". ຖ້າຫາກວ່າລູກໜີ້ບໍ່ມີຈິດສຳນຶກທີ່ຈະຈ່າຍໜີ້ ເຂົາກໍມີເຫດຜົນເປັນຮ້ອຍເປັນພັນເຫດຜົນເພື່ອສະໜັບສະໜູນການບໍ່ຈ່າຍໜີ້ ຫຼື ດຶງເວລາແກ້ຍາວໄປ. ສຳລັບລູກໜີ້ດຣາມາ ຫຼື ລູກໜີ້" ໄມ່ມີ ໄມ່ໜີ ໄມ່ຈ່າຍ" , ເຮົາເປັນຄົນທວງໜີ້ຈຳເປັນທີ່ຈະຕ້ອງສ້າງເອກະສານພູກມັດໄວ້ ເພື່ອເອົາເປັນເອກະສານໃນການດຳເນີນຂັ້ນຕໍ່ໄປ ຄື ການຮ້ອງຟ້ອງ. ແຕ່ກ່ອນຊິຮອດຂັ້ນຕອນການຮ້ອງຟ້ອງໄດ້ ເຮົາຈະຕ້ອງສ້າງເອກະສານພູກພັນກັນດັ່ງຕໍ່ໄປນີ້:
ໃບສະເໜີການຊຳລະຈາກລູກໜີ້: ຜູ້ທວງໜີ້ຈະຕ້ອງໂນມນາວ ພູດຈາດີ ລົມມ່ວນ ເພື່ອໃຫ້ລູກໜີ້ຮັບຮູ້ໜີ້ສິນ ແລະ ສະເໜີການຊຳລະມາກ່ອນ ບໍ່ວ່າການສະເໜີຂອງລູກໜີ້ຈະໃຊ້ເວລາດົນສຳໃດກະຢ່າ. ເຮົາຮັບການສະເໜີນັ້ນໄດ້ຫຼືບໍ່ມັນເປັນອີກເລື່ອງໜຶ່ງ ແຕ່ປະເດັ່ນທີ່ເຮົາຢາກໄດ້ແມ່ນການຍອມຮັບ ແລະ ຮັບຮູ້ໜີ້ສິນຈາກລູກໜີ້.
ໂອ້ລົມກັນແບບສິນຕິສອງຝ່າຍ: ຫຼັງຈາກທີ່ເຮົາໄດ້ຮັບໜັງສືເປັນລາຍລັກອັກສອນກ່ຽວເລື່ອງຍອມຮັບໜີ້ສິນຈາກລູກໜີ້ແລ້ວ ເຮົາຕ້ອງໂອລົມແບບສັນຕິກ່ອນ ເປີດໃຈຮັບຟັງການສະເໜີ ບັນຫາຂອງລູກໜີ້ ແລະ ປະເມີນເບິ່ງແຜນການຊຳລະຂອງລູກໜີ້. ຖ້າຫາກວ່າທັງສອງຝ່າຍມີຈຸດເຂົ້າກັນໄດ້ ປັບກັນໄດ້ ເຮົາກໍລະບຸເນື້ອໃນຕ່າງໆກ່ຽວກັບການໂອ້ລົມກັນ ການສະເໜີ ແລະ ແຜນການຊຳລະຈາກລູກໜີ້ເພື່ອເປັນເອກະສານໃນການປະຕິບັດການຊຳລະຂອງລູກໜີ້.
ການແກ້ໄຂຂໍ້ຂັດແຍງຂັ້ນບ້ານ: ໃນກໍລະນີທີ່ລູກໜີ້ບໍ່ສາມາດປະຕິບັດການຊຳລະໜີ້ໄດ້ ຫຼື ກາຍເວລາມາດົນ ບໍ່ມີເຫດຜົນທີ່ໜ້າເຊື່ອຖືໄດ້, ຜູ້ທວງໜີ້ຈຳເປັນທີ່ຈະຕ້ອງປະກອບເອກະສານຍືນບ້ານຂອງລູກໜີ້ ເພື່ອຂໍໃຫ້ອຳນາດການປົກຄອງບ້ານເອີ້ນລຼກໜີ້ມາລົມຊ່ອງໜ້າກັນ ໂດຍມີກຽດ ແລະ ພະຍານຈາກອຳນາດການປົກຄອງບ້ານ. ຖ້າຫາກວ່າລູກໜີ້ຍິນຍອມພຽງຂັ້ນບ້ານ ເຮົາກໍ່ໄດ້ບົດບັນທຶກຂັ້ນບ້ານເປັນລາຍລັກອັກສານເພື່ອພູກມັດໃນການປະຕິບັດການຊຳລະໜີ້, ແຕ່ຫາກວ່າ ເຈົ້າໜີ້ ກັບ ລູກໜີ້ຕົກລົງກັນບໍ່ໄດ້ໃນຂັ້ນນີ້, ມັນຈຳເປັນທີ່ຈະປະກອບເອກະສານໄປຂັ້ນຕໍ່ໄປ.
ຂັ້ນເຈົ້າໜ້າທີ່ຕຳຫຼວດ: ກ່ອນຊິຍືນເອກະສານຮ້ອງຟ້ອງຂັ້ນເຈົ້າໜ້າທີ່ຕຳຫຼວດ ເຈົ້າໜີ້ຕ້ອງໝັ້ນໃຈວ່າຕົນວ່າມີເອກະສານໜ້າເໜັ້ນຄົບຖ້ວນເພື່ອທີ່ຈະພິສູດຊີ້ແຈ້ງວ່າ ຜູ້ທີ່ເຮົາຮ້ອງຟ້ອງນັ້ນຕິດໜີ້ແທ້ ແລະ ທີ່ຜ່ານມາບໍ່ປະຕິບັດການຊຳລະຕາມທີ່ໄດ້ຕົກລົງ ແລະ ບໍ່ມີເຫດຜົນທີ່ເໝາະສົມ ເພາະຢູ່ໃນຂັ້ນນີ້,ເຈົ້າໜ້າທີ່ຈະເຮັດການສອບສວນ-ສືບສວນກ່ຽວກັບສຳນວນຄະດີທີ່ເຮົາໄດ້ຍືນໄປ. ເມື່ອເຮົາມີເອກະສານຄົບຖ້ວນ, ລູກໜີ້ຍາກທີ່ຈະບໍ່ປະຕິບັດ ເພາະຂັ້ນຕອນນີ້ແມ່ນຂັ້ນຕອນທີ່ເຈົ້າໜ້າທີ່ສະຫຼຸບຜົນໂດຍອີງຕາມກົດໝາຍ. ຖ້າຫາກລູກໜີ້ບໍ່ປະຕິບັດ ຫຼື ລົບໜີ ຜົນຂອງລູກໜີ້ມີແຕ່ສອງຢ່າງ ຄັນ ບໍ່ຕິດຄຸກ ກໍ່ບໍ່ມີທີ່ຢືນໃນສັງຄົມ.
ຫຼືສາມາດເຂົ້າເບິ່ງເປັນວິດີໂອຕາມນີ້ໄດ້ເລີຍ Link ອະທິບາຍເປັນວິດີໂອກ່ຽວກັບການຮັບມືກັບລູກໜີ້
Comments
Post a Comment